Parashutat tashmë janë bërë pjesë e rutinës së shtëpisë së “Big Brother VIP” pasi herë pas here banorët surprizohen nga dedikime dhe dhurata nga miqtë, fansat, apo familjarët e tyre.
Megjithatë këtë të premte, jo një, por katër parashuta fluturuan mbi shtëpinë më të famshme në Shqipëri.
Banorët lexuan shkrimet që mbanin parashutat dhe kuptuan se të gjitha ishin të dedikuara për aktoren e njohur Monika Lubonja.
“Nuk të kam harruar”, ishte mesazhi që tërhoqi më shumë vëmendje nga dedikimet e parashutës.
Teksa u emocionua pafund, Monika falenderoi të gjithë suportuesit e saj që ja zbukuruan këtë ditë kaq pranë përfundimit të edicionit të parë.
Rikujtojmë se Monika Lubonja është një nga banoret më të komentuara në shtëpinë e “Big Brother VIP”. Aktorja ka hyrë në garë që ditën e parë të nisjes së saj, në datë 5 tetor.
Teksa u shpreh se ishte bërë pjesë e formatit pa miratimin e shumë njerëzve, tashmë Monika është kthyer në gruan që ka thyer tabu-t, pasi është përfolur për pozitivitetin, harmoninë dhe gjallërinë e saj në shtëpi.
Ndërkohë, sonte është nata gjysmëfinale, ku do të caktohen dhe dy finalistët e tjerë të 18 shkurtit, mes Arjola Demirajt, Einxhel Shkirës, Monika Lubonjës dhe Donald Veshajt.
