Në Katedralen Metropolitane të Rio De Zhaneiros, u zhvillua ceremonia e dorëzimit të statujës së Nënë Terezës.
Statuja është vepër e skulptorit, Thoma Thomai dhe është gjithashtu dhuratë simbolike e popullit shqiptar për popullin brazilian, me rastin e shenjtërimit të Nënë Terezës.
Dhurata është mundësuar falë ndihmës të sipërmarrësit Kadri Morina dhe angazhimit të ambasadores shqiptare në Rio, Tatjana Gjonaj. Kardinali Tempesta tha se, mbërritja e statujës së Nënë Terezës nga Tirana është një dhuratë e jashtëzakonshme, që do t’i japë Katedrales Metropolitane dhe Brazilit vlera të reja shpirtërore.
Ai tha se statuja përforcon miqësinë mes popullit brazilian dhe atij shqiptar. Statuja e Nënë Terezës do të inaugurohet më 10 shtator, duke zënë vendin kryesor në Katedralen Metropolitame.
