Sado që të luajë me pamjen, të realizojë pamje nga më të ndryshmet, ngjyra e modele flokësh të pafundme, Rihanna i kthehet gjithmonë pamjes së saj të vjetër të cilën duket se e dashuron!
Riri i preu sërish flokët shkurt dhe ka bërë daljen e parë publike me look-un e ri, duke na bërë nostalgjikë e duke na kthyer pas në kohë me këtë pamje.
Këngëtarja u kombinua me pantallona në ngjyrë jeshile, një bluzë të bardhë dhe dhe një pellush ngjyrë blu, duke u dukur super cool!
Rihanna dhe A$AP Rocky përfliten që prej dhjetorit të vitit të shkuar për një histori dashurie. Dyshja nuk janë shfaqur shpesh në shoqërinë e njëri-tjetrit për ta mbajtur sa më larg vëmendjes mediatike lidhjen, por nuk i shpëtojnë syrit të paparacëve sa herë dalin bashkë.
Në muajin prill, si rrallëherë ata janë parë bashkë në Los Angeles dhe fotot e tyre janë shpërndarë me shpejtësi në rrjet. Artistët janë parë duke u larguar pasi kanë darkur dhe të dy ishin veshur me xhaketë në material lëkure.
Këngëtarja e hitit “Umbrella” dhe artisti i “Praise The Lord” bashkëpunuan në fillim të 2020-s me njëri-tjetrin për një fushatë promovuese për linjën e “Fenty Skin” të Rihanna-s. Pas projektit të përbashkët ata dhanë dhe një intervistë me njëri-tjetrin dhe ASAP Rocky u shpreh se pjesa më e vështirë e bashkëpunimit ishte se ai nuk mund të fokusohej dhe të qëndronte serioz para këngëtares.
“A$AP ka qenë shumë pranë Rihanna-s për vite të tëra. Deri gjatë muajve të verës, Rihanna e mbajti A$AP në zonën e miqve, por më pas gjërat ndryshuan dhe më në fund ata nisën një lidhje. Që prej asaj kohe ata të dy janë bashkë”, ka thënë më herët një burim pranë çiftit.
Ndërkohë urimi që Rihanna bëri në dhjetor të 2020-s për Vitin e Ri u përkthye si një konfirmim i lidhjes s saj me reperin. Ajo publikoi në Instagram një foto e veshur me një fund të gjatë, reçipeta plazhi dhe një palë sandale me rripa. Në këtë formë ajo konfirmoi edhe lidhjen me ASAP Rocky, pasi këpucët që kishte veshur mbajnë firmën e tij.
