Prej disa ditësh tashmë, shoferët e Mbritanisë së Bashkuar kanë vënë re diçka të çuditshme dhe ndryshe në Berkshire. Një sinjalistikë rrugore po i bën lëmsh shumicën e drejtuesëve të automjeteve, ajo ngjason me shenjën e përdorur në serialin që po kap shifra rekord në shikueshmëri, “Squid Game”. Kjo shenjë përmban një katror, një trekëndësh dhe një rreth.
Ky simbol përdoret për të udhëzuar lojtarët drejt lojës së rrezikshme në serialin e “Netflix-it” dhe shumë janë drejtuar për të shkruar tek ajo.
U kthye në një situatë shumë shqetësuese dhe policia e zonës u detyrua të bënte një njoftim në rrjetin social Twitter ku i lajmëronte se kjo sinjalistikë nuk i drejtonte tek loja brutale, por ishte thjesht një shenjë për të lajmëruar që në atë zonë po bëhen punime.
Mirëmbrëma të gjithëve. Pra, ne mund të konfirmojmë se duke ndjekur këtë sinjalistikë nga M4 Junction 5 në Slough nuk do t’ju çojë në serialin e njohur të Netflix-it, ‘Squid Game’. Janë vetëm udhëzime për rrugët e devijimit gjatë punimeve në rrugë.
Ky postim, përveçse sqaroi ndjekësit dhe banorët e zonës, shkaktoi shumë reagime nga njerëzit gjithashtu, të cilët shkruanin të shqetësuar se çfarë ishte kjo shenjë si dhe nga ana tjetër kishte nga ata të cilët komplimentuan policinë për shpjegimin e dhënë.
