Kampioni i boksit Floyd Mayweather do të paguajë për funeralin e George Floyd, tha një përfaqësues i sportistit për ESPN.
Floyd vdiq në duart e policisë së Minneapolis javën e kaluar ndërsa ish-oficeri Derek Chauvin i mori frymën me gjurin e tij në qafë ndërsa dy oficerë të tjerë e mbanin. Bashkë me ta, një oficer i katërt që qëndronte pranë duke u bërë dëshmitar i një trajtimi monstruoz me përfundim vdekjen, është shkakruar nga departamenti, por vetëm Chauvin është akuzuar për vdekje.
“Yes, he is definitely paying for the funeral.”
Floyd Mayweather has offered to cover the funeral costs for George Floyd.
Full story: https://t.co/vkHuNXH5xt pic.twitter.com/1PzH6eMlAT
— BBC Sport (@BBCSport) June 2, 2020
Ceremonia e varrimit të Floyd do të mbahet në qytetin e tij të lindjes në Houston më 9 qershor, tha avokati i familjes Ben Crump për CNN.
Vëllai i George Floyd u kërkoi protestuesve të heqin dorë nga dhuna dhe pak orë pas kësaj thirrjeje, vendi në Minneapolis ku vdiq Floyd javën e kaluar, po trajtohet si një memorial i shenjtë.
Familja e Floyd si dhe shumë kryetarë bashkie dhe guvernatorë mbështesin protestat, por kanë dënuar plaçkitjen dhe dhunën që ka çuar në qindra arrestime në të gjithë vendin.
Protestuesit gjithashtu janë përballur me gaz lotsjellës dhe plumba gome nga disa departamente policie, megjithëse ka pasur shembuj të policisë që bashkohet me demonstruesit.
Vëllai i Floyd, Terrence Floyd, foli me ata që u mblodhën në mbështetje të vëllait të tij të hënën, duke dhënë një mesazh të thjeshtë për ata që po reagojnë dhunshëm:
“Ai nuk do të donte që ju ta bënit këtë”.
Dje rezultati i autopsisë vërtetoi se George Floyd vdiq si pasojë e asfiksisë. Presioni i qëndrueshëm që i ushtroi efektivi gjatë arrestimit, bëri që 46-vjeçari të ndërronte jetë shumë shpejt pasi iu vunë prangat.
Dr. Micheal Badel dhe Allecia Wilson, të cilët kryen autopsinë në mënyrë private të 46-vjeçarit, thanë se ushtrimi i forcës në qafë dhe shpinë i ka shkaktuar të ndjerit mungesë të qarkullimit të gjakut në tru.
