E dinit që ka vetëm 100-200 shqiponja gjithsej në Shqipëri?!
Shpendi që është kthyer në simbolin e preferuar të shqiptarëve dhe që na identifikon kudo, po zhduket dhe shkaktarë për këtë janë bërë ndryshimet e ekosistemit dhe gjuetia e tyre.
Disa ditë më parë në parkun arkeologjik industrial të Sazanit u gjet një shqiponjë e ngordhur, duke ngritur alarmin për zhdukjen e këtij shpendi.
“Janë disa faktorë që kanë ndikuar në uljen e numrit të shqiponjave duke filluar që nga ndryshimet e skajshme të ekosistemit, tek gjuetia e tyre për shitje përkundrejt një shume të caktuar parash ose për disa të tjerë edhe thjesht për t’i ekspozuar në ambientet e lokaleve”, shkruan “Shqiptarja.com”.
Specialistët e mjedisit bëjnë thirrje që të merren masa, për të shmangur fundin e trishtë, atë që shqiponja të mbetet thjesht një simbol në flamurin tonë kombëtar dhe asgjë më shumë!
Është e trishtë të mendosh se shqiponjën, për të cilën mburremi kudo në mbarë botën, por e vrasim me duart tona!
