Para tre vitesh, publiku u njoh për herë të parë me reperen Rina Balaj, emri i së cilës u komentua që në fillimet e saj.
Rina u kthye menjëherë në kryefjalën e mediave dhe diss-et e saj për vajzat e tjera të rep-it morën jo pak vëmendje.
Në tre vite karrierë, këngëtarja është rritur profesionalisht dhe sherret ia ka lënë pas të shkuarës. Ajo zgjidhi “mosmarrëveshjet” me Taynën dhe pse jo, vajzat mund t’i shohim të ardhmen në një bashkëpunim.
Nërkohë, Rina është tepër e përkushtuar në projektet e saj të reja dhe ka njoftuar se vitit 2021 po vjen me surpriza nga ana e saj!
Kjo pasi këngëtarja po punon fort për një album të ri, për të cilin është tepër e inspiruar.
Rina ka treguar në një postim në InstaStory se e ka gati një këngë zjarr, e cila do të jetë pjesë e albumit të saj të vitit 2021!
Për më tepër, Rina ka kërkuar edhe ide nga fansat për emrin e albumit, në mënyrë që t’i përfshijë edhe ata sa më shumë në projektin e saj.
“Dhe oh! Meqë ra fjala, shkruajta një këngë zjarr! (pjesë e albumit të 2021-shit) Më jepni ide emrash për album”- shkruan Rina.
Nuk kemi ende një datë lançimi, por jemi të gjithë sy e veshë.
