E kush nuk e mban mend Borëbardhën, atë vajzën me fat që humbet në pyll, gris fustanin, gjen 7 xhuxhë dhe bëhet shoqe me ta, pastaj ha një mollë të helmuar, vdes dhe vjen në jetë nga puthja e një princi.
Të paktën kjo është historia që njohim ne pasi një tjetër teori e errët për Borëbardhën, na tregon një histori tjetër, fundi i së cilës na shkatërroi fëmijërinë tonë.
Sipas kësaj teorie, Borëbardha në fund vdes dhe është pikërisht puthja e princit që e çon në botën tjetër. Ai i jep asaj “puthjen e vdekjes” dhe më pas të dy largohen drejt parajsës.
Princi mbërrin me një kalë të bardhë (ashtu siç vdekja është portretizuar shpesh, që ecën në kohë), i jep asaj puthjen e vdekjes për t’i marrë ‘frymën e jetës’.
Më pas Borëbardha dhe Princi u thonë lamtumirë xhuxhëve, në vend që t’i marrin me vete, sespe ata po shkojnë në një vend ku personat e gjallë nuk mund të shkojnë.
Më pas çifti niset drejt parajsës dhe në ekran shfaqen re në formën e një kështjelle, e rrethuar me dritë.
