Dy ditë më parë, Sara Hoxha na tregoi se ka shumë stil dhe mjafton të dalë një shëtitje në rrugë për ta treguar.
Ajo na surprizoi me një palë çizme silver, pra në ngjyrë argjendi që ne i kemi parë vetëm në tapetin e kuq apo në pasarela.
Çizmet Balenciaga, i dhanë një tjetër pamje Sarës, të cilën ishim mësuar ta shihnim më casual. Madje disa nga fansat e saj i shkruan se ky nuk ishte stili i saj, dhe se një veshje të tillë nuk do ta bënin në mes të ditës, ashtu si Sara.
Por duke pasur parasysh që çizmet kushtojnë rreth 1640 dollarë minimumi, nëse ne do të ishim në vend të Sarës, do t’i vishnim dhe në krevat. Kim Kardashian ia veshi vogëlushes së saj pak kohë më parë vetëm për një foto.
Këto çizme të gjata deri mbi gju janë prej lëkure dhe do t’i kishte zili çdo femër që t’i vishte të paktën një herë. Dhe nuk po flasim në emër të të gjithave, por vetëm për ato që dinë të guxojnë.
