Të gjithë e njohin dhe të gjithë flasin për Georgina Rodriguez, partneren e futbollistit të famshëm Cristiano Ronaldo.
Jeta e saj ndryshoi tërësisht kur ajo u njoh me futbollistin, teksa u shkëmbyen së bashku në hyrjen e dyqanit “Gucci” ku Georgina ishte shitëse.
Mes tyre kishte një shkëndijë që herën e parë që u panë, ndërsa emocionet nisën në takimet e tjera. Gjithçka si në filma!
“Dikur shisja për marka të famshme, tani i blej dhe i vesh nëpër tapete të kuq!”- është shprehur Georgina, e cila ndryshimin e jetës së saj që nga lidhja me futbollistin e ka rrëfyer në serialin e saj në Netflix, “Soy Georgina” (Jam Gerogina).
Ky serial u lançua në Netflix më 27 janar dhe që tani ka thyer rekorde shikueshmërie në mbarë botën.
Gjatë serive, Georgina tregon jetën e saj të përditshme, takimet e punës apo mënyrën si argëtohet me partnerin, shoqërinë e fëmijët.
27 vjeçarja, e cila është tashmë prej pesë vitesh partnerja e Ronaldo-s, ka treguar se është një mama e përkushtuar e cila qetësinë e saj e gjen vetëm në familje.
Pjesa më e madhe e ditës së saj kalon me fëmijët, Cristiano Junior dhe tre vogëlushët Alana, Eva dhe Mateo.
Shumë shpejt, ata do të bëhen gjithashtu prindër të binjakëve dhe familja e tyre do të rritet sërish, pasi Georgina është në pritje të ëmbël.
Të gjithë atyre që janë kuriozë për jetën si në përralla të Georgina-s, i sugjerojmë të shohin “Soy Georgina”.
/Iconstyle.al
