Këngëtarja me origjinë shqiptare Bebe Rexha muajin e kaluar deklaroi publikisht se vuante nga çrregullimi bipolar (është një sëmundje e rëndë mendore që konsiston në luhatje të papritura të humorit).
“Për një kohë super të gjatë unë nuk e kuptoja se përse ndihesha aq e sëmurë. Përse ndjeja pafuqi që më bënin që të mos dëshiroja të dilja nga shtëpia ose të rrethohesha nga njerëz dhe përse ndjeja super energji që nuk më lejonin që të flija gjumë, që nuk më lejonin të ndaloja së punuari ose të bëri muzikë. Tani e di pse! Unë jam bipolare dhe s’kam më turp ta them! Kjo është e gjitha. Ky album i radhës do të jetë albumi më i preferuar sepse unë nuk do fsheh asgjë. Ju dua të gjithëve shumë dhe shpresoj që të më pranoni mua siç jam. Nuk dua që juve t’ju vijë keq. Thjesht dua të më pranoni. Kjo është e gjitha. Ju dua”, shkruante këngëtarja asokohe.
Siç edhe ju mund ta keni vënë re, ajo është tepër aktive në llogarinë e saj në Instagram, ku vazhdimisht publikon momente të përditshmërisë, ndërkohë ditën e sotme përmes një statusi në Insta Story na tregoi një ndodhi aspak të këndshme.
Bukuroshja ka pësuar një aksident, mirëpo mesazhi që fshihet pas postimit të saj është realisht mbresëlënës: “U përfshiva në një aksident automobilistik ditën e sotme. Të gjithë jemi mirë. Thjesht më rikujtoi mua se sa e çmuar është jeta. Jam duke u munduar të jem më e mirë me veten dhe të tjerët. Meqë ra fjala, ju dua!”
Jeta vërtet është e çmuar, dhe na duhet ta rikujtojmë çdo ditë këtë!
