Bashkia e Tiranës ka planifikuar këtë të diel, pastrimin në të gjithë qytetin, me një ndërhyrje të gjerë në terren, për largimin e plehrave nga rrugët, zonat e banuara dhe parqet.
Aksioni i kësaj jave do të përqendrohet në 13 zonat periferike të kryeqytetit – aty ku dhe ndotja është më e madhe. Përfaqësues të bashkisë dhe kryetari Veliaj u bëjnë apel banorëve t’i bashkohen nismës për pastrimin e ambienteve, të cilët janë ndodtur shpesh edhe nga pakujdesia e tyre.
Krahas punonjësve të pastrimit, aksionit pritet t’i bashkohen edhe qindra vullnetarë, nxënës shkollash dhe studentë. Paralelisht me këtë proces, bashkia vijon punën për shtimin e sipërfaqeve të gjelbra.
