Gëzuar të gjithëve! Sot është Dita Botërore e emoji-ve dhe sigurisht që të gjithë kemi festë apo jo!
E dimë që askush nuk dërgon sot një mesazh pa një emoji bashkëngjitur, ndaj dhe këto që do ju themi sot, janë një risi për të gjithë!
Emoji të reja!
Apple ka bërë me dije sa lista e emoji-ve do të shtohet gjatë këtij viti.
Këtë vjeshtë do të keni mundësi që të përdorni plot 59 emoji të reja, madje edhe ju që keni iPhone 6. Le të themi që pjesë e listës do të bëhet një emoji që do ta përdorni padyshim, (të paktën për gjumashët jemi të sigurt) atë të gogësimës.
Gjithashtu do të ketë emoji që lidhen me njerëz të etnive të ndryshme apo ata që janë me aftësi të kufizuara si të verbrit, të paralizuarit apo dhe personat që nuk dëgjojnë.
Listës së ushqimeve do t’i shtohen Waffles, hudhra, akulli etj!
E dini përse 17 korriku është Dita Botërore e Emojit!
Dita Botërore e Emojit është më 17 korrik sepse kalendari në listën e emoji-ve që keni në cellular ka të njëjtën datë.
Emoji-t vijnë nga emocionet, shprehitë e fytyrës që janë përdorur fillimisht në mesazhet dixhitale për t’i ndihmuar njerëzit të sqarojnë kuptimin e një mesazhi.
Emoji është më i vjetër nga sa mendoni, pasi fillimisht u krijua nga një inxhinier japonez në vitin 1998.
Por cila është risia tjetër?
Mes të rejave që sollëm sot, duhet t’ju kujtojmë se tani mund të shprehni opinionin edhe në realitetin virtual, falë Tourmake Reactions.
Që prej ketij viti emoji-t përdoren dhe në Tourmake, platforma e sjellë për herë të parë në Shqipëri nga Welcome Albania. Ky i fundit u ka mundësuar adhuruesve të udhëtimit të shijojnë dhe të eksplorojnë Shqipërinë, vetëm me anë të një aparati celular apo tablet.
Dhe tani nëpërmjet Tourmake, çdokush do të mund të shijojë virtualisht vendet më të bukura të Shqipërisë, por edhe bizneset më elitare të fushës së hoteleri-turizmit dhe jo vetëm, si të ishte aty.
Për herë të parë, vizitorët potencialë të Shqipërisë, kanë mundësinë të shohin “nga afër” si duket destinacioni që duan të vizitojnë, dhe madje të reagojnë për të shprehur mendimin rreth tij, ju pëlqen ose jo!
Për shembull, ndërkohë qe jeni duke ecur virtualisht në restorantin tuaj të preferuar ose në muzeun që dëshironi të vizitoni, mund të reagoni përmes një emoji, pozitiv ose negativ dhe të lini një gjurmë të shkruar për të treguar sesi ishte përvoja juaj.
Në këtë kuptim, Tourmake Reactions kontekstualizon mendimet me vendin të cilit i referohen, duke na lejuar të kuptojmë të gjitha nuancat e mjedisit që do të vizitojmë. Kjo do të jetë më e lehtë për vizitorin e ardhshëm i cili do të marrë një mendim për vendin në fjalë, falë reagimeve të mëparshme dhe shënimeve të të tjerëve.
Kjo nënkupton se për përdoruesit e Welcome Albania, ekziston mundësia për të komentuar atë që po shikojnë.
Ndërsa për vizitorët do të jetë edhe më e lehtë për të marrë një mendim për një vend që duan të vizitojnë, dhe mbi të gjitha mund të formohet një gjykim i plotë, duke lexuar pikëpamjet e ndryshme të shprehura nga ata që e kanë vizituar fizikisht ose virtualisht atë vend.
/Iconstyle.al
