Nëse e kishit harruar se ylli i popit, Madonna feston sot ditëlindjen e saj të 60-të, këtë gjë na e kujton vet ajo.
Madonna aktualisht ndodhet në Marakesh ku po feston 60-vjetorin e saj të lindjes dhe nëpërmjet një postimi në Instagram na ka kujtuar të gjithëve se ajo është një mbretëreshë.
“Në rast se dikush harroi. Ditëlindje magjike në Marakesh”, shkruan Madonna duke mbajtur para një pankartë ku shkruhet “The Queen” (Mbretëreshë).
Në të vërtetë ky nuk është një titull që ajo ia ka vënë vetes, por e ka merituar me punën e saj të palodhshme, me zërin magjik dhe mbi të gjitha ia kanë vënë fansat.
Madonna u vendos në New York në 1977 me shpresën për t’u bërë modele., por më pas ajo publikoi hitin e saj të parë në 1984, dhe organizoi turneun e parë në 1985. Që atëherë ajo ka patur 10 turne, ka shitur mbi 300 milionë albume dhe është këngëtarja me më shumë shitje të këngëve të saj.
Nga një vajzë e varfër ajo është shndërruar tashmë në një ndër personat më të pasur në botë dhe në vitin 2017-të, Forbes tregoi se fitimet e saj arrinin në 454 milionë paund.
