Në shtëpinë e reperit të njohur Mc Kresha paska festë e gëzim. Reperi feston ditëlindjen e vajzës së tij të vogël Iza e cila sot mbush 2 vjeç.
Me rastin e ditëlindjes të së bijës Kresha organizoi një festë të bukur dhe të thjeshtë për të.
Për Kreshën dhe familjen e tij kjo ditëlindje është një nga më të veçantat, pasi disa muaj më parë ai dhe gruaja e tij Erzina sollën në jetë fëmijën e tyre të dytë – djalin Din.
Kujtojmë se pak kohë më parë Kresha ka bërë një rrëfim për jetën e vetë ku tha se nuk preferon të flasë për gjërat e tij personale në media.
“Zakonisht më përmendin për jetën personale, për familjen, për fëmijët. Për gjëra që unë nuk preferoj të përmendem. Nëse shkruan diçka, le të shkruajnë për veprën që e bëj. Ama unë i kuptoj mediat, nuk jam i zemëruar me to. Nuk është faji i mediave, është faji i lexuesit”, theksoi reperi.
Më tej, reperi tha ndër të tjera se ai do të donte shumë të jetonte me prindërit. Jo vetëm kaq por ai ka edhe dy fjalë për bashkëshorten e tij.
“Kam qejf të jetoj me prindërit, por falënderoj Erzinën që edhe pse jetojmë vetëm përkujdeset që unë të çohem herët dhe të shkojmë te prindërit. Ata kanë qejf të rrinë me fëmijët e mi. Mua më pëlqen zhurma që vjen nga familja..” – tha Mc Kresha.
