Sot të rinjtë shqiptarë kanë një arsye më shumë për të festuar, pasi është festa e “Halloweenit”.
Një festë e përhapur vitet e fundit edhe në Shqipëri, e cila ka përgatitur lokalet për natën e 31 tetorit, ndërsa dyqanet prej ditësh nisën të tregtojnë veshjet tipike të saj.
“Halloween” është festa e terrorit, e shtrigave, fantazmave, monstrave, të cilët në këtë natë fitojnë protagonizmin. Është dhe një festë që çdo vit festohet në të gjithë botën.
Ndaj “IconStyle” vendosi që të nis një konkurs për maskimin më të mirë. Na dërgoni me mesazh në profilin tonë zyrtar në “Facebook” ose “Instagram”. Personit fitues, fotografia e të cilit ka marrë më shumë “like”, do t’i realizohet një set fotografik profesional prej nesh. Konkursi do të zgjasë mbi 1 javë.
Por cila është historia e festës së terrorit?
Një djalë me emrin Jack O’Lanten, duhej të shkonte në ferr pas vdekjes së tij. Por ‘Djalli’ e ktheu mbrapsht duke i dhëne një copë qymyri, që digjej që ta kishte gjatë gjithë rrugës. Jacku e vendosi qymyrin në një rrepë të madhe dhe u nis drejt një udhëtimi të pafund, meqë nuk e lejuan të futej në asnjë mbretëri të vdekurish.
Për njerëzit ishte më se e qartë, që rrepa me qymyrin u shtinte tmerrin para së gjithash shpirtrave të këqij. Meqenëse amerikanët përdoren kungullin në vend të rrepës, ai mbeti shenja dalluese e “Halloween”eve.
“Halloween” e ka prejardhjen në kremtimin e ndërrimit të viteve të kalendarit të Keltëve, natën midis 31 tetorit dhe 1 nëntorit. 600 vjet p.e.s populli kelt mirëpriste në këtë mënyrë muajt e errët të dimrit duke u ndarë në të njëjtën kohë nga periudha e lulëzuar e verës.
Emri “Halloween” është deformimi amerikan i termit në anglisht të Irlandës, “All Hollows’ Eve”. Kjo festë tepër e lashtë mbërriti në SHBA, së bashku me emigrantët irlandezë dhe hodhi rrënjë për të vuajtur tani një transformim radikal.
Burimi: Iconstyle
