Kujdesuni për Tokën, për planetin ku jetoni, për qytetin, për fshatin, për lagjen dhe ambientin që ju rrethon! Dita e Tokës, e cila festohet në të gjithë botën më 22 Prill, na kujton çdo vit kujdesin.
Kjo ditë ndryshe konsiderohet si dita e apelit ndaj problemeve që lidhen me degradimin e tokës, braktisjen dhe keqpërdorimin e saj, ndotjen nga industritë kimike dhe erozionin e shkaktuar nga shpyllëzimet masive.
Pra qëllimi i kësaj dite është angazhimi i të gjithë njerëzve anë e mbanë botës në mbrojte të Tokës. Është një ditë e veçantë për t’i shprehur mirënjohjen tonë Planetit Tokë, i cili mbështet të gjitha format e jetës.
“Google” në ndër të 22 Prillit ndryshoi “Doodles”, duke bashkuar natyrën me kafshët. Po kontributi juaj cili është?
Pse duhet ta mbështesim Ditën e Tokës?
Ka mjaft arsye pse duhet të përfshihemi në mbrojtjen e mjedisit. Po japim disa fakte për ndryshimin klimatik, të cilat e bëjnë urgjente nevojën për ta mbrojtur Tokën:
1.Ngrohja globale është një çështje madhore, pasi ajo shkaktohet kryesisht nga veprimtaria e njerëzve. 1300 vitet e fundit ajo është e paprecedent dhe vijon të përkeqësohet.
2.Ndryshimi klimatik çon në stuhi dhe zhvendosje të njerëzve. Stuhitë favorizojnë edhe përhapjen e infeksioneve vdekjeprurëse.
3.Temperatura mesatare e sipërfaqes së tokës është rritur me 0.6 gradë Celsius në 100 vitet e fundit.
4.Ndryshimi klimatik rrit përhapjen e pesticideve që shkaktojnë sëmundje vdekjeprurëse, si malaria.
5.Ndryshimi klimatik mund të shkaktojë rritjen e çmimeve të ushqimeve me 50 deri në 60 për qind deri në vitin 2030 (Raporti i Oxfam).
6.SHBA përbën 5 për qind të popullsisë globale dhe kontribuon në 22 për qind të emetimit të gazit karbonik.
7.Tornadot dhe thatësira janë disa nga katastrofat natyrore të shkaktuara nga ndryshimi i klimës.
8.Mbi 600 mijë vdekje ndodhin për vit në mbarë botën për shkak të ndryshimit klimatik dhe 95 për qind e tyre, në vendet në zhvillim.
