Dy ditë më parë, këngëtari Lorenc Hasrama u bë pjesë e shtëpisë së ‘Big Brother VIP Albania’, duke nisur në këtë mënyrë rrugëtimin e tij. Edhe pse u bë pjesë e shtëpisë pas 80 ditësh, Lorenci është përfshirë në disa dinamika.
Megjithatë pak muaj më parë, 4 muaj më parë i pyetur për një hyrje të mundshme në program, Lorenci dha një “jo kategorike”. Ai u shpreh në atë kohë se nuk do e përballonte një eksperiencë të tillë duke shtuar se mund të dalë nga vetja.
‘Nuk e bëj dot, ma kanë thënë pse nuk shkon? Nuk e bëj dot. Nuk ka shans, unë mendoj sado real të jesh, edhe këtu sado real të jesh, do duhet të jesh pak me maskë. Nuk mund të dalësh aty e të thuash kështu jam, unë do pështatem me njerëzit që rri dhe kaloj kohën. E di që do shkoj aty e do çmendem se nuk rri dot”
