Një ngjarje tragjike ka ndodhur në familjen e Viola Spiros, e cila ka humbur babain për shkak të koronavirusit.
Bëhet e ditur se i ati i Violës, Rudolf Spiro, kurohej prej ditësh në Turqi dhe ka humbur jetën atje dy ditë më parë. Ai ishte 63 vjeç.
Pasi lajmi u përhap me shpejtësi në media ka ardhur edhe reagimi i moderatores e cila na ka copëtuar zemrat me ato që ka shkruar në rrjetet sociale për të atin.
Do doja të kisha fuqi që të shkruaja dhe tregoja pafund për babain tonë, por jam e copëtuar. Jemi të tmerruar dhe të shkatërruar për mënyrën dhe kohën e shpejt që e humbëm. Babai ynë po luftonte me virusin e mallkuar po zemra e tij nuk duroi gjatë. Ai pushoi ditën e diel pa na dhënë lamtumirën. Sot e përcollëm për udhëtimin më të gjatë, duke i lutur që të jetë i lehtë për të dhe më i bukur.
Babai i Violës jetonte mes Shqipërisë dhe SHBA-ve dhe kohët e fundit po qëndronte në vendin e tij. Thuhet se ai vuante nga sëmundje të tjera bashkëshoqëruese dhe kjo mund të ketë sjellë rëndimin e gjendjes së tij shëndetësore.
