U bënë 9 vite nga ndarja nga jeta e Dr.Florit e dhimbja për familjen dhe miqtë është akoma e freskët. Dhimbja shtohet akoma më shumë sot, në ditën kur Florian Kondi duhet të ishte duke festuar ditëlindjen e 44-të.
Në këtë ditë nuk kishte si të mos e kujtonin miqtë. Ka qenë Landi, ai i cili postoi në ‘Instagram’ një foto të Dr.Florit ku krahas fotos shkruan: “DrFlori i lindur Floran Kondi, 28 Shkurt 1979”.
Landi ka ndarë një foto të vjetër të tij, Dr.Florit dhe Armir Shahini, të cilës i ka bashkangjitur vargjet e këngës së tyre “Jeta shkon”.
#DrFlori i lindur Floran Kondi 🕊 28 Shkurt 1979
…Jeta prapë më shfaqet në çdo çast në çdo hapa
Qëndrova për një çast, e ktheva kokën mbrapa
Pashë njerëz në udhëkryq që kalonin në rrugën time
Më sillnin si lajmëtarë mua brenga dhe gëzime
Qeshja, qaja, u mërzisja, u gëzoja, për një çast humbisja pastaj sërish jetoja
Prapë në këtë rrugë që s’e di ku po më çon, veç një gjë besoj e di, e di që jeta shkon.
Refreni
Dr. Flori
Sa herë mërzitem kur dhimbja më trishton
E sa herë dhimbja më ikën, se gëzimi m’a largon,
Se suksesi me dështimin bashkë të dy jetojnë
Në çdo kohë ndodh kështu dua të them se jeta shkon.
View this post on Instagram
Dr.Flori u nda nga jeta në mënyrë të papritur në moshën 36-vjeçare në 17 nëntor 2014. Këngëtari ndërroi jetë në një moshë shumë të re, por ai la pas qindra hite që dëgjohen ende sot e kësaj dite. Së bashku me dy miqtë e tij, Landi Hysin dhe Armir Shahinin, ai krijoi grupin ‘West Side Family’, i cili ishte një nga më të pëlqyerit nga të rinjtë gjatë viteve 2000-2009. Dr. Flori la pas dy fëmijë, Kaltrinën dhe Danin.
