Sot, mamaja e Elvana Gjatës, zonja Donika Gjata, feston ditëlindjen.
Në këtë ditë të veçantë, këngëtarja ka zgjedhur t’i bëjë një urim të veçantë përmes Instagram-it, ku publikoi momente nga shëtitjet me të në park, ku e ëma duket e lumtur pranë të bijës.
“Gëzuar ditëlindjen jeta ime”, shkruajti Elvana.
Elvana publikoi edhe një video në të cilën e ëma nuk ngopet duke e puthur.
Jo më larg se dje, Elvana ndau në Instagram momente pranë të atit, Fatmirit.
Siç duket, këto ditë këngëtarja po i kalon pranë prindërve.
Elvana u shfaq për herë të parë pas shumë kohësh në publik me mamanë tek “Xing me Ermalin” në shkurt të vitit të kaluar.
Aty, Elvana u shpreh se i është shumë mirënjohëse pasi ajo, si shumë mama shqiptare, ka mundur ta çojë familjen para edhe pse me pak.
“Mamatë tona janë heroina”, u shpreh Elvana.
Xing me Ermalin/ Mamaja i nxjerr “te palarat” Elvana Gjates (17.02.2018)
Prej kohësh tashmë këngëtarja Elvana Gjata po synon tregun ndërkombëtar në muzikë dhe po bashkëpunon me emra të njohur. Sot këngëtarja ishte e ftuar në emisionin “Xing me Ermalin” në Tv Klan nga tregoi fillimet në muzikë dhe intervistat e saj ku fliste për gjendjen ekonomike në ato vite.
