Sot është një ditë zie për të gjithë shqiptarët, në shenjë nderimi për humbjen e majorit Klodian Tanushi, i cili vdiq gjatë misionit të NATO-s në Letoni.
Por e enjtja është edhe një ditë feste për shqiptarët, pasi Jonida Maliqi konkurron në Eurovizion këtë mbrëmje, duke shpresuar kualifikimin për në finalen që do të mbëhet më 18 maj.
E ndërsa të gjithë po presim mbrëmjen, sot rrezikojmë të mos e ndjekim festivalin, i cili transmetohet çdo vit në RTSH.
Kjo pasi sipas “Tirana Post”, në 2012-ën, vit në cilin përfaqësoheshim nga Rona Nishliu, festivali nuk u transmetua pasi ishim në zi për shkak të tragjedisë së Himarës.
Por a do të ta shohim sot festivalin në RTSH?
“Tirana Post” kontaktoi me Julka Gramon, pjesë e jurisë shqiptare që do të vlerësojë këngët e Eurovizionit dhe ajo tha se transmetimi do të vijojë normalisht:
“Është marrë vendimi dhe do transmetohet si normalisht në orën 21:00”.
Jonida Maliqi do performojë sonte në gjysmëfinalen e dytë të edicionit të 64-rt të Eurovizion, i cili mbahet në Tel Aviv, Izrael.
Këngëtarja do këndojë shqip këngën e saj “Ktheju Tokës” dhe do të jetë e 14-a në radhë dhe nga 41 vende që konkurrojnë. Vetëm 26 vende do arrijnë të shkojnë në finalen e së shtunës që mbahet më 18 maj.
