Fjalimi i Oprah Winfrey për femrat e abuzuara të Hollivudit, i frymëzoi të gjithë në Golden Globes, aq shumë sa të gjithë po thoshin se aktorja duhet të kandidojë për presidente e SHBA-ve.
Ajo mbështeti fushatën kundër abuzimit seksual të femrave “Metoo”, por duket se kjo nuk i pëlqeu këngëtarit Seal, i cili e cilësoi si hipokrite 63-vjeçaren.
“Për një kohë të gjatë, askush nuk besoi se do të mund të guxonin të tregonin të vërtetën rreth fuqisë së vërtetë të këtyre meshkujve”, tha Oprah Winfrey referuar maniatit të filmave Harvey Weinstein.
Seal përmes vetëm një fotografie shpjegoi pse udhëheqësit dhe manjatët e mediave kanë qenë pjesë e këtyre problemeve për vite me radhë.
Ai publikoi një fotografi në llogarinë personale të Instagramit që kishte të bënte me të kaluarën e Oprahs teksa e puthte Harvey Weinstein ndërsa disa vjet më vonë flet për të njëjtin problem që ishte edhe vetë pjesëmarrëse.
“Oh, harrova, është e drejtë. I ke dëgjuar thashethemet, por nuk e ke pasur idenë se me të vërtetë po abuzohen aktoret e reja, të cilat nuk e kanë idenë se ku janë futur. Më vjen keq, gabimi im”, shkroi 54-vjeçari.
Por menjëherë pas deklaratës së këngëtarit, modelja Chrissy Teigen i ka dalë në mbrojtje Winfrey-t:
“Hmm, le të themi që të gjithë kemi dëgjuar gjëra për njëri-tjetrin, apo jo?”
Chrissy Teigen njihet si një nga modelet që është shumë e hapur në mediat sociale dhe në jetën reale…
