Sot bëhen dy dekada që kur Flori Mumajesi është bërë pjesë e muzikës dhe na ka dhuruar hite pafund.
Të shumtë janë ata që në këngët e tij gjejnë një histori të tyre. Edhe pse vitet kalojnë, ato ende dëgjohen dhe këndohen me zë të lartë.
Mëngjesin e sotëm, këngëtari dhe producenti ka shpërndarë në “Instagram” një fotografi shkëputur nga vitet e para të karrierës së tij. Në foto Flori shfaqet duke interpretuar në skenë.
“Me zemër prej dy dekadash”,- shkruan Flori në “Instagram”.
Fansat e tij e kanë uruar për muzikën që sjell, ndërsa kanë shprehur nostalgji për këngët e tij të vjetra.
