Në fillim të këtij viti, familja e Miriam Canit dhe Alban Skënderajt u plotësua me një tjetër pjesëtar.
Pas Amelisë, çifti u bekua me një vogëlush që i vendosën emrin më të veçantë, Duam.
Sot bëhen plot 6 muaj nga ardhja në jetë e të voglit, i cili ka gëzuar pafund jetët e tyre.
Si një motër e madhe, Ameli kujdeset gjithmonë për të vëllain dhe i këndon ninulla para gjumit, duke marrë vëmendjen e ndjekësve të mamit ose babit në Instagram.
Vetëm pak minuta më parë, Miriami ka ndarë në InstaStory një foto të dy fëmijëve të saj dhe duket se Ameli s’ndahet asnjëherë nga i vogli.
Ajo i qëndron mbi kokën e krevatit duke e përkëdhelur, ndërsa këngëtarja shkruan krahas fotos së adhurueshme:
“Sot 6 muaj, të Duam dashuria jonë!”
Deri tani, dyshja nuk e ka treguar asnjëherë portretin e të voglit në rrjete sociale, duke na bërë kuriozë të dimë se cilit prej prindërve i ngjan më shumë.
Çifti kurorëzoi dashurinë në martesë pas 12 vitesh lidhje në maj të vitit të kaluar.
