Mbrëmjen e sotme rikthehet emisioni “Lufta e nuseve”, që transmetohet në “TV Klan”, ku do shfaqen 3 histori dashurie, 3 dasma dhe në fund çifti fitues.
Risia në këtë edicion të “Lufta e nuseve” është se për herë të parë edhe dhëndurët do jenë pjesë e garës.
Për ata që e adhurojnë këtë spektakël duhet të dini se ora në të cilën starton është 21:30.
Atmosferat e dasmave, nuset përrallore, historitë emocionuese të çifteve, të gjitha këto me siguri do na mbajnë gozhduar para ekranit.
3 çiftet që do të hapin garën e “Lufta e Nuseve 5” janë mjaft të këndshëm dhe pozitivë!
Po flasim për Besartën dhe Enin, Xhulian dhe Brenaldon, Junën dhe Denisin.
Ata vendosën për herë të parë në historinë e “Lufta e Nuseve” të komentojnë dhe vlerësojnë në çift dasmat e njëri-tjetrit.
