Mbrëmjen e sotme, vëllai i këngëtarit të njohur shqiptar, Genc Prelvukajt, martohet me partneren e tij, Nora Kasnecin. Prej disa ditësh, Eni kishte njoftuar në profilin e saj në Instagram për dasmën e Orgesit dhe Norës, të cilën po e priste me padurim.
Dy ditë më parë, këngëtarja ndau me ndjekësit pamjet nga festa e çmendur e beqarisë mes vajzave, ndërsa sot Eni ka treguar për të gjithë disa fragmente nga super dasma që po mbahet këtë mbrëmje.
Ajo dhe Genci janë kombinuar me njëri-tjetrin dhe shkëlqejnë të veshur me të zeza. Eni kishte zgjedhur një fustan me krahë të fryrë dhe dekolte të hapur për këtë natë speciale, ndërsa Genci shfaqet i veshur me kostum dhe këmishë të bardhë.
Në njërën prej videove, këngëtarja ka ndarë momentin kur çifti i sapomartuar futet në sallë me duartrokitje të mëdha dhe ne s’na mbetet gjë tjetër veçse t’i urojmë trashëgime vëllait të Gencit! Në kokë të Enit dhe këngëtarit tani!
