Të gjithë e kemi dalluar këtë detaj te profili i rrjeteve sociale të Soni Malajt, në to nuk gjeni asnjë foto të vajzës së saj 5-vjeçare, Anna.
Këngëtarja shqiptare tregoi për herë të parë te “Rudina” arsyen e veçantë të këtij vendimi.
“Anna është italo-shqiptare. Në sytë e tyre unë jam shumë e famshme dhe nuk duan që vajza të dalë në foto, sepse shqetësohen sesi do përdoren. Ata nuk kanë qejf, janë shumë rigoroz. Babai i Anna-s e ka me merak”, ka thënë ajo duke iu referuar ish-bashkëshortit, Mirko dhe familjes së tij.
Soni dhe Mirko janë ende në proces divorci, por sipas këngëtares, “janë thjesht procedura që duhen ndjekur dhe nuk ka asgjë për t’u shqetësuar”, ndërkohë që ajo tashmë ndodhet në një lidhje me një biznesmen të ri.
Këngëtarja ka thënë që marrëdhëniet me Mirkon janë shumë të mira dhe gjithashtu ai është shumë i afërt me të bijën.
Pyetur për ndarjen dhe mënyrën sesi e përjetoi vajza, Soni pohoi se faktin që kjo ndodhi kur Anna ishte shumë e vogël është një avantazh. Ajo tha, që edhe pse ishte përpjekur t’ia shpjegonte sa më butësisht çfarë kishte ndodhur, Anna e kishte kuptuar.
“U mundova t’ia shpjegoja, por ajo më tha “ju jeni të ndarë, nuk jetoni më bashkë, unë e di”. Ajo ka qenë shumë e vogël kur ne jemi ndarë dhe nuk i ka rënë si bum”, tregon Soni.
Ndërsa nuk do të zbulojë imazhin e vajzën ajo na bën të gjithëve ta imagjinojmë duke e përshkruar. Këngëtarja zbuloi se e bija ka marrë më të mirat nga ata të dy.
Ajo ka sytë, buzët dhe format e trupit të së ëmës dhe këmbët e gjata të të atit. Nga videot, kemi kuptuar, që Anna ka edhe zë të bukur si e ëma.
