Prej 19 ditësh banorët e zonës së “Astirit” po protestojnë kundër prishjes së banesave të tyre, për të bërë projektin e “Unazës së Madhe”. Ditët e fundit protesta ka degraduar në dhunë e kaos, ndërsa vetëm ditën e sotme të paktën 12 efektivë policie mbetën të plagosur.
Një nga situatat më të tmerrshme ishte ajo kur një efektive humbi 4 gishtat e dorës nga një kapsolle.
Ndërsa fillimisht protesta nisi në rrugën kryesore të Unazës së Re, më pas u zhvendos në Bashkinë e Tiranës javën e kaluar, ku situata doli jashtë kontrollit pasi nisën të hidheshin tymuese e fishekzjarrë.
Prej ditësh protesta kaloi nga e qetë në e dhunshme, pasi pati përplasje me efektivët e policisë, por ditën e sotme kaloi në ekstrem pasi pati të lënduar.
Nga ana tjetër, 11 prej protestuesve nga mosha 17 vjeç deri në 53 vjeç, mes tyre dhe një femër, përfunduan në pranga për ‘Plagosje të rëndë me dashje’, ‘Organizimi dhe pjesëmarrje në grumbullime dhe në manifestime të paligjshme’, ‘Prishje ët rendit dhe të qetësisë publike’, si dhe ‘Goditje për shkak të detyrës’.
Çfarë kërkojnë banorët?
Banorët që kanë shtëpitë dhe bizneset në këtë zonë duan dëmshpërblim të plotë të pronave të tyre që do të prishen. Ata kërkojnë që dëmshpërblimi t’u jepet në bazë të vlerës së tregut. Por disa prej tyre i kanë bizneset dhe shtëpitë e legalizuara dhe disa të tjerë jo.
Çfarë do t’u japë qeveria?
Kryebashkiaku Erion Veliaj sqaroi javën e kaluar se njoftoi se, pronarët që preken nga Unaza e Madhe do të shpronësohen 100%, kurse për ndërtimet pa leje do të ketë 3 vite qira të paguar dhe banesa sociale.
“Lekët do t’ia japim për shtëpinë, kush nuk ka asnjë letër, do t’i japim shtëpi sociale. Kush nuk ka asnjë në botë, do t’i japim 3 vite qira falas. Të ndezin zjarr sa të duan, të djegin goma sa të duan, por fatin e familjeve dhe fëmijëve të këtij qyteti e kemi vetë në dorë”, deklaroi Veliaj.
Çfarë ndërtesash do të prishen?
Në këtë zonë nuk ka vetëm shtëpi, por edhe biznese si, pika bastesh, biznese apo lokale.
Jepni mendimin tuaj përmes këtij sondazhi:
