Një numër i madh programesh në televizionet shqiptare dominohen nga prezantueset femra, të cilat me sharmin e tyre arrijnë të përcjellin te publiku imazhin e së bukurës.
Por “iconstyle.al” sot do t’ju kushtojë vëmendje moderatoreve të reja të këtij sezoni televiziv të cilat janë figurat më të reja të ekranit dhe po korrin shumë sukses.
Detyra juaj është të votoni për të preferuarën tuaj:
Joana Grabolli
Joana Grabolli, bukuroshja e emisionit sportiv “Pressing” është ajo e cila na mban të gozhduar pas ekranit të “ABC News”. Përveçse është një nga vajzat shqiptare më të ndjekura në Instagram, në vitin 2017 ajo është shpallur Miss World Albania, duke u kurorëzuar si shqiptarja më e bukur në botë. Format e saj bombastike nuk i kanë shpëtuar syrit tonë dhe as tuajit tani që Joana është bërë pjesë e botës së televizionit si gazetare sportive, një fushë ku ka shumë konkurrencë.
Fjoralba Ponari
Bjondja bukuroshe na shoqëron në emisionin “E diell” të së dielës në “Top Channel”. Tiparet e saj të ëmbla e bëjnë një ndër vajzat më të dashura të ekranit shqiptar.
Argjira Spanca
Blogerja e njohur nga Kosova, Argjira Spanca është gjithashtu pjesë e “E Diell” këtë sezon. Argjira njihet për stilin e saj të veçantë dhe rikujtojmë se përpara nisjes së “E diell” përflitej se ajo ishte zëvendësuese e Jonida Maliqit, pasi kjo e fundit u tërhoq për shkak të angazhimeve me Eurovisionin.
Xhesi Muça
Vajza simpatike është fytyra e re e ekranit të “Top Channel”. Xhesi Muçaj e cila aktualisht moderon “Voila” ka rrëmbyer menjëherë vëmendjen me shkathtësinë dhe stilin e saj të veçantë.
Gea Braha
View this post on Instagram
Ish-velina e “Fiks Fare”, Gea Braha, e cila bërë pjesë e televizionit rreth katër vite më parë si pjesë e emisionit investigativ. Por sot për sot ajo është pjesë e emisionit sportiv “Bar Skedina”, ku zëvendësoi moderatoren Bora Zemani pas largimit dhe po ia del me sukses.
