Ndërsa fillimi i vitit shkollor 2020-2021 po afron, është e sigurt që mësimi online do të jetë një prioritet tani që situata me pandeminë e koronavirusit sa vjen e përshkallëzohet.
Aktualisht në Shqipëri nuk ka ende një vendim për mesimin online në shkolla apo universitete, edhe pse gjatë muajit gusht studentët në mjaft fakultete janë thirrur për të ripërsëritur mësimet online të bëra gjatë izolimit për t’u përgatitur për provimet që do të mbahen këtë muaj.
“Iconstyle.al” u interesua për pagesën e vitit shkollor 2019-2020 në disa fakultete dhe ndonëse disa studentë e kanë kryer, pagesa për të tjerët, është shtyrë për shkak të situatës me COVID-19.
Por pyetja që lind është kjo: A duhet të paguajmë të njëjtat tarifa nëse mësimi do të bëhet online?
Nuk duhet të harrojmë se fillimisht mësimi u ndërpre nga tërmeti i nëntorit. Nxënësit kaluan një pjesë të madhe të kohës në shtëpi që vijoi me pushimet e vitit të ri, ndërsa studentët u kthyen në universitete vetëm për provimet në shkurt. Më pas, më 9 mars shkollat u mbyllën për shkak të pandemisë, dhe nëse e llogaritim në total nuk janë kryer as 2 muaj mësim.
Pikërisht nëse situata me pandeminë përshkallëzohet dhe studentëve apo nxënësve në shkollat private ashtu edhe në ato publike do u duhet të mësojnë online nga shtëpia, a duhet të paguajnë të njëjtën tarifë si vitet e kaluara? Për këtë përgjigjjuni sondazhit të mëposhtëm!
