Marrëdhënia e Eros Grezdës me Ajsel Abazin, ka bërë që futbollisti të krijojë një lidhje të ngushtë edhe me aktorin e njohur turk Tolgahan Sayisman, njëkohësisht edhe partneri i Almeda Abazit, kushërirës së Ajsel.
Që në fillim të marrëdhënies së futbollistit me modelen, Tolgahan ndau një foto në Instagram ku e cilësonte Erosin si vëllain e tij. Së fundmi edhe Grezda ka treguar se e mbështet aktorin turk. Ai ka ndarë një video në Instastory të shkëputur në një nga serialet që Tolgahan luan në Turqi.
Epo një marrëdhënie mjaft e bukur kjo e krijuar midis “dhëndrurëve” të familjes Abazi.
Nga ana tjetër Ajsel dhe Eros kanë zyrtarizuar marrëdhënien e tyre. Ka qenë vetë modelja në një bisedë virtuale e cial ka treguar një foto të gishtit të martesës ku mbante një unazë.
Një ndjekës e ka pyetur Abazin se prej sa kohësh është në lidhje? Ajsel nuk ka preferuar të përgjigjet me fjalë, por me vepra.
Ajo ka treguar unazën në gishtin e saj të martesës duke shkruar: Aq gjatë sa për të arritur këtu.
Edhe vetë futbollisti natën e ndërrimit të viteve postoi një foto me partneren e tij ku krahas shkruante: ‘Zoti dhe Zonja Grezda ju urojnë Gëzuar Vitin e Ri’.
