Sokol Balla u largua nga “Top Channel”, por një pjesë të emrit të emisionit të tij e ka “marrë” me vete. Tashmë është zyrtare që Balla rikthehet në enjteve në “Vision Plus” me emisionin “Real Story” .
Mediat shkruan, nisur nga intervista e tij e fundit me kryeministrin Rama në Top Story, ku Balla përmendi ‘Real story’, se ky do të ishte edhe titulli që do të mbante programi i tij dhe kjo gjë u konfirmua.
“Sokol Balla i bashkohet Vizion Plus. Duke nisur nga janari, ai do të drejtojë sërish emisionin politik kryesor në prime time në Vizion Plus. Çdo të hënë dhe të enjte në orën 21.00 Balla do të sjellë për publikun temat më aktuale dhe më të forta, duke gjeneruar debat, ide, intervista, diskutime, brenda dhe përtej lajmit. Në këtë kohë të lajmit të rremë, përpjekja e re gazetareske e Ballës do jetë në funksion të reales dhe të vërtetës.”, shkruhet në faqen e Vizion Plus ndërkohë që ditën e djeshme është publikuar dhe spoti prezantues.
