Për 45-vjetorin të cilin do e festojë pas pak javësh, gazetari Sokol Balla ka vendosur që të mbjellë 45 pemë të reja.
Ai e tha këtë mbrëmjen e djeshme në studio, ku kishte të ftuar kreun e Bashkisë së Tiranës, Erion Veliaj.
“Kam ditëlindjen pas ca javësh, si i bëhet të mbjell 45 pemë , por dua ta di si është procedura për të kontribuar për pak pemë për Tiranën”, tha Balla duke iu drejtuar kreu të bashkisë.
“Edhe 100! Procedura është kjo. Shkohet në një faqe. APR. Aty kemi një ticker që numëron ekzaktësisht se sa pemë janë, plotëson një formular. Ka disa njerëz që e kanë bërë duke i kërkuar agjencisë që t’i blejë pemët, shumica merr një listë me të gjithë kompanitë që kanë fidanishte, i zgjedh. Ne propozojmë 10-12 lloje pemësh, që nuk janë pemë delikate, pemë që i mbjell”, i ktheu përgjigje Veliaj.
“Unë premtoj që do ta mbaj premtimin me shpresën që të ngjallë xhelozi mes kolegëve të mi dha ta bëjnë atë para”, tha Balla.
