Pas ndarjes nga Scott Disick, modelja Sofia Richie u fotografua në plazh me reperin Jaden Smith, me të cilin tetë vite më parë kishte pasur një romancë të shkurtër.
Ata u bashkuan për një ditë argëtuese në plazh në Los Angeles të shtunën dhe nxitën sërish thashethemet.
Mirëpo, duket se dikush është bërë xheloz dhe ka nxituar të marrë “hak”.
Scott Disick ka postuar në InstaStory disa foto me ish-partneren dhe nënën e fëmijëve të tij, Kourtney Kardashian.
Ata shfaqeshin në det teksa kalonin kohë me djalin e tyre, teksa Sofia ka kaluar kohë me Jaden.
Me siguri këto postime janë një mënyrë për t’i rënë në sy modeles, e cila dukej tepër e lumtur në shoqërinë e Jaden Smith dhe dukej sikur e kishte harruar totalisht Scott-in.
Rikujtojmë se Sofia dhe Jaden kanë një histori romantike që nga viti 2012. Të dy filluan të dilnin në nëntor të atij viti, kur ishin vetëm 14 vjeç, por marrëdhënia u shkëput nga fillimi i vitit 2013.
