Në fund të muajit prill, dyshja e njohur Scott Disick dhe Sofia Richie i dhanë fund lidhjes së tyre të gjatë të dashurisë.
U bë e ditur se ishte Sofia ajo që e ka kërkuar ndarjen, duke parë gjendjen e rënduar emocionale të partnerit të saj.
Duke qenë se kohët e fundit ai nuk po shfaqej i qëndrueshëm emocionalisht dhe karantina bëri të vetën, Sofia e ka parë këtë si një zgjidhje për t’i dhënë Scott-it më shumë kohë të merret me veten.
Lart e poshtë u tha se Disick ishte kthyer në krahët e Kourtney Kardashian, mirëpo duket se lajmet s’kanë qenë të vërteta.
Vetëm pak kohë pas ndarjes, Scott dhe Sofia u fotografuan sërish bashkë në plazh në Malibu, duke lënë të kuptohet se ishin kthyer së bashku.
Por, ndarja nuk vonoi gjatë dhe dyshja i ka dhënë sërish fund marrëdhënies.
Shkak për këtë janë bërë pushimet e Scott-it me Kourtney-n dhe fëmijët e tyre.
“Gjërat janë gjithmonë të tensionuara mes tyre kur Scott largohet me Kourtney”,- ka treguar një burim për “E!News”.
Scott përpiqet të kalojë sa më shumë kohë të mundet me fëmijët e tij, por prania e Kourtney-t duket se nuk i pëlqen aspak Sofia-s, aq sa çon edhe në ndarjen e çiftit.
