“Snapchat” solli për herë të parë konceptin e së përkohshmes. Pasi të shikonit një mesazh ai do të zhdukej, e njëjta gjë ndodhte edhe me mesazhet që dërgonit ju.
Por duke filluar nga e marta, në “Snapchat” mund t’i shihni mesazhet deri në pafundësi.
Një ikonë e re e simbolit të infinitit do t’ju japë mundësinë ta shihni sa herë të dëshironi një foto ose video, derisa ju vetë, pra marrësi, të përfundojë bisedën. Deri më tani, mesazhet e “Snapchat”-it, të quajtura ‘snaps’ mund të luheshin vetëm 10 sekonda dhe më pas zhdukeshin përfundimisht.
“Të gjithë kemi ndier zhgënjim, sepse nuk mundeshim të shijonim një “snap”, edhe pasi e përsërisnim për herë të dytë. Prandaj duam t’ju japim mundësinë të shijoni një “snap” sa të dëshironi”, shkruhet nga aplikacioni.
Ndërkohë mendjet gjeniale që qëndrojnë pas “Snapachat”-it po punojnë për të sjellë të tjera opsione për ta bërë më argëtues përdorimin e këtij rrjeti social.
Burimi: Business Insider
