Një surprizë tejet emocionuese ka prekur mbrëmjen e së premtes publikun dhe të gjithë pjesëtarët e spektaklit “Dancing With The Stars”.
Surpriza nga ana e produksionit kësaj radhe ishte për këngëtarin Landi Hysi, i cili po bëhej gati të performonte kërcimin e tij, kur në skenë u shfaq Kaltrina, e bija e mikut të tij të ndjerë, Dr. Florit.
Vogëlushja, dukshëm e emocionuar, e ftoi atë në skenë duke e prezantuar për publikun, ndërsa Landi duket se nuk arriti t’i mbante lotët përballë kësaj surprize.
“Po më mbajtën gjunjët do vij!”- u shpreh ai, ndërkohë që moderatorja Almeda Abazi e ftoi atë për një kërcim me Kaltrinën.
E bija e artistit të ndjerë kërceu në skenë si një profesioniste e vërtetë, çka i emocionoi të gjithë, veçanërisht Landin.
“Landi mirë që ke maskën!”- iu drejtua atij moderatorja Almeda Abazi, ndërkohë që Landi u shpreh se i nevojitej një gotë ujë.
Burimi: Iconstyle.al
