Hajdutë profesionistë! Kështu i cilëson media spanjolle tre shtetasit shqiptarë që ranë në prangat e Policisë. Ata akuzohen për rreth 50 vjedhje gjatë muajve të fundit në Guadarrama, Algete, San Agustin de Guadalix, Boadilla del Monte apo Las Rozas Ende nuk është bërë i ditur identiteti i tyre, por mësohet se ata janë rreth moshës 24 deri në 27 vjeç.
Sipas mediave spanjolle, të rinjtë shqiptar siguroheshin fillimisht të fiknin kamerat e sigurisë dhe më pas nisnin të vidhnin para dhe sende me vlerë nga banesat. Ata fshihnin me duar fytyrën, për të mos u zbuluar identiteti i tyre. Çdo natë, ata vidhnin tre deri në pesë banesa. Në disa raste, banorët e banesave që binin pre e vjedhjeve, kryesisht gjatë natës, e zbulonin ç’kishte ndodhur vetëm në mëngjes.
