Këngëtarja e hiteve “Kiss me more”, “Woman”, “Vegas” etj., Doja Cat, i habiti të gjithëve së fundmi me pamjen e saj të re.
Papritur, ajo u shfaq në rrjetin social Instagram me kokën e qethur dhe duhet ta pranojmë se i la të gjithë me gojë hapur.
Këngëtarja, e cila deri tani kishte luajtur me ngjyrat e modelet e flokëve, duket se u lodh nga nervat me flokët e gjatë dhe i ra shkurt! Kështu tha dhe ajo vetë, kur u pyet pse vendosi të qethë kokën.
Doja u përgjigj shumë sinqerisht, duke thënë:
“S’më pëlqen të kem flokë. S’më ka pëlqyer kurrë të kem flokë. S’mund të përmend një herë të vetme, që nga fillimi i jetës time që mund të kem thënë ‘duken bukur’.”
Ajo ka rrëfyer se është “rraskapitur” kur mbante paruke dhe ishte shumicën e kohës e shqetësuar si do të dukej dhe a rrinin mirë flokët e saj, pa u fokusuar tek gjëja që duhet të bënte për momentin (si psh. stërvitja).
Duket se çdo ditë që kalon, Doja Cat po gjen veten dhe stilin e saj dhe s’po shqetësohet aspak si i duket të tjerëve.
Në rrjete sociale, këngëtarja është tepër aktive duke ndarë momente shumë reale nga jeta e saj e përditshme. Madje, ajo ka folur hapur në Instagram duke treguar se tashmë nuk ka thuajse asnjë shoqe, pasi e kanë zhgënjyer dhe nuk i beson askujt. Por kjo gjë nuk e mërzit aspak.
