Mbrëmjen e sotme në studion e Top Story ishte e pranishme nëna e Martinit, e cili me zërin që i dridhej u shpreh se familja e autorit nuk i kanë kërkuar ende një falje.
E pyetur se çfarë ka bërë shkolla e djalit për të, ajo tha: “E vetmja gjë që ka bërë shkolla, është që më ka hequr nga grupi i WhatsApp-it”.
Ajo tha se kërkon që autori të marrë dënimin e merituar dhe të mbajnë përgjegjësi të gjitha hallkat që nuk parandaluan këtë tragjedi.
“Familja e Marios nuk na kanë kërkuar falje, me gjithë atë dhimbje që na ra, që të thonë si të bëjmë që na ra në kjo fatkeqësi, se ai e ka në jetë fëmijën e tij, ndërsa unë jo, dhe kërkojnë dhe ulje dënimi. Duhet të vihen disa rregulla. Nuk na është ofruar asnjë ndihmë, asnjë psikolog. Besoj se mes atyre fëmijëve është pakujdesia te shkolla, sepse nëse në shkollë zihen dy fëmijë, patjetër duhet njoftuar prindi. Të më kishin marrë në telefon mua unë isha aq e ndërgjegjshme që të mos kërkoja llogari dhe do e mbaja peshën vete. Dua të marrë gjithsesi atë që meriton. Se të mos jetë kështu, unë nuk vij këtu”, tha nëna e Martinin.
