Një skandal i madh është zbuluar nga policia në Nigeri, ku 19 gra shtatzëna u shoqëruan gjatë një operacioni të zhvilluar në Lagos kundër të ashtuquajturës “fabrika e fëmijëve”.
Sipas raporteve të mediave nigeriane, gratë, të moshës 15 deri në 28-vjeçare, ishin rrëmbyer “me qëllimin për të mbetur shtatzënë dhe pastaj t’i shisnin fëmijët”.
Të porsalindurit do të shiteshin me 1.400 dollarë, nëse ishin meshkuj, ose 830 dollarë, nëse ishin femra. Policia arrestoi dy gra.
Shumica e grave ishin joshur në Lagos me premtimin për një vend pune, por më pas ato ishin rrëmbyer dhe dhunuar.
Të tjera, sipas policisë, e dinin se çfarë “pune” do të bënin. Njëra prej tyre i tha një gazete lokale se ajo ishte mashtruar dhe kishte bërë seks me shtatë burra para se të mbetej shtatzënë. Gruaja që drejtonte shtëpinë i kishte thënë asaj se si këmbim do të merrte një shumë të madhe parash.
Ndonëse Nigeria është vendi me ekonominë më të zhvilluar në Afrikë, varfëria është akoma e përhapur, veçanërisht trafikimi i qenieve njerëzore. Në 2018-n, 160 fëmijë u lanë të lirë në një bastisje të ngjashme.
/tgcom24
