Të mërkurë është planifikuar të mbahet një para ambienteve të Ministrisë së Shëndetësisë. Tubimi është organizuar pas skandalit që u zbulua në spitalin Onkologjik në Qendrën Spitalore Universitare “Nënë Teresa”. Protesta do të mbahet në orën 19:00, si shenjë revolte ndaj asaj që është zbuluar në dosjen e hetuar nga Prokuroria e Tiranës.
Sot, Prokuroria e Tiranës ka zbuluar një skandal në spitalin Onkologjik, ku mjekët orientonin pacientët drejt klinikave private, ku ishin të punësuar po vetë. Me miratimin e Gjykatës, janë lëshuar 7 masa sigurie për mjekë dhe punonjës të tjerë në spitalin Onkologjik, përfshirë dhe ish-zv drejtoreshën e QSUT Brikena Qirjazi.
Ky skandal brenda spitalit Onkologjik në QSUT ka vënë në rrezik jetën e pacientëve me kancer, pasi mjekët “monstra” përmes skemave të mirëfillta kanë vjedhur ilaçet e kimios.
