Gjyqi për mjekët e Onkologjikut u shoqërua sot me ngjarje të pazakonta.
Një prej tyre lidhet me shoferin e mjekut Edmond Gashi, i cili vendosi muzikë me volum të lartë para Gjykatës, aty ku gazetarët po raportonin live mbi skandalin e Onkologjikut. Teksa “bossit” të tij i konfirmohej masa e sigurisë, duket se shoferi as nuk e ka vrarë mendjen.
Gashi sot u mjaftua me vetëm një fjali për të gjithë abuzimin: Unë kam bërë detyrën…
Ndryshe nga kolegia e tij, mjekja Alketa Ymeri (Pere) e cila u ballafaqua me gazetarët, e madje i akuzoi për prishje imazhi, Gashi u largua me vrap nga Gjykata Penale e Tiranës.
Me siguri, është pritur nga shoferi dhe nga muzika latine në sfond.
