Pavarësisht se buka është ushqimi që konsumojnë më shumë shqiptarët, është edhe një prej ushqimeve prej të cilëve duhet të kemi shumë kujdes. Emisioni investigative “Fiks Fare” zbuloi skandalin e ciësisë së bukës që prodhohet në vendin tonë, që është më i ulëti në Evropë.
Gruri me të cilin prodhohet buka në Shqipëri është grurë për kafshët, kjo për pasojë të importeve të pakontrolluara. Sot në Shqipëri tregun e mbizotëron mielli dhe gruri që vjen nga Serbia dhe Kosova, i cili ka cilësinë më të dobët të proteinës nën 12 %.
“Fiks Fare” kreu analizat e miellit që është sot në tregun shqiptar, një pjesë e madhe e të cilit ka rezultuar me proteina nën nivelin e lejuar.
Abuzimet nisën nga viti 2004, pasi ish-ministri Panariti nxori vendimin e importit të miellit me cilësi nën 12 %.
Thuajse të gjitha furrat e bukës, sot prodhojnë edhe ëmbëlsira dhe kjo e bën akoma më të vështirë kontrollin nga ana e inspektorëve të AKU-së, të cilët nëse në furrat e bukës gjejnë miell me proteinë më të ulët dëgjojnë justifikimin: “Është për ëmbëlsirat dhe jo për bukë”.
Në vendin tonë janë importuar rreth 215.802 ton grurë. Më shumë se 50% e kësaj sasie, rreth 147.594 ton është importuar nga Rusia, më pas vjen Serbia me 51.588 ton, e ndjekur nga Ukraina, Maqedonia, Kroacia, Italia, Greqia, Mali i Zi dhe e fundit Turqia me 47 ton.
Burimi: TCH
