Ky që po shihni në foto është Kreshnik Husaj, ish-banori i “Big Brother 8” i njohur ndryshe si Kika. Ai shkaktoi goxha bujë me pjesëmarrjen e tij në këtë reality show, por vlen të theksohet se zhurma më e madhe erdhi pas daljes së tij nga e ashtuquajtura “shtëpia më e njohur në Shqipëri”.
Ky që po shihni në këtë foto është po Kreshniku, foto e shkëputur nga emisioni i tij “Vesa Show”, që prej disa muajsh po transmetohet në RTSH 3. Mirëpo, ajo që duket si diçka tejet normale, në fakt duket të jetë një skandal i vërtetë.
Ku qëndron problemi këtu?
Për ata që nuk e mbajnë mend, Kreshnik Husaj është arrestuar në shkurt të 2019, pasi akuzohej se kishte përfituar para dhe favore seksuale nga femrat dhe meshkujt të cilëve u premtonte vende pune. Ndaj tij në Policinë e Shtetit janë bërë rreth 30 denoncime nga persona të ndryshëm.
Një tjetër denoncim është bërë nga një grup djemsh të cilët kanë deklaruar se ishin paraqitur për të marrë pjesë në një eveniment të quajtur “Mister & Miss Albania Plus” të organizuar nga Kika. Ky i fundit sipas pretendimit të tyre iu ka kërkuar favore seksuale në këmbim të çmimit të parë. Denoncime kanë bërë edhe disa vajza pjesëmarrëse në emision, të cilat kanë deklaruar se i kanë dhënë 300 euro Kikës në këmbim të promovimit si prezantuese në emisionin e tij.
Si funksiononte skema?
Husaj drejtonte në televizionin “Channel One” një emision të quajtur ‘The one show nga Kika’, me producent dhe prezantues vetë atë. Ish-konkurenti i Big Brother akuzohej nga denoncuesit se u ka marrë shuma të mëdha parash për t’i promovuar si prezantues në emisionin e tij.
Ka qenë bashkëpunëtorja e tij në emision, Ziada Çobo, ajo që e ka denoncuar e para Kikën, ndërsa ka thënë se nuk mund ta pranonte dot faktin se njerëzve u merreshin lekët ‘si pa të keq’.
E shkuara skëterrë
Skandali nuk mbaron me kaq. Kreshnik Husaj është arrestuar më 13 dhjetor të 2016, në Pejë, duke u akuzuar se ka detyruar gruan e tij, Vlora, të kryente prostitucion. Kjo u bë e ditur kur vetë Vlora foli publikisht për këtë çështje.
Madje ai ka bashkëpunuar me një femër, inicialet e së cilës janë A.Z, e cila gjente klientët. Edhe për A.Z. ishte ngritur aktakuzë, dhe prokuroria ka pretenduar se së bashku, kanë detyruar viktimën të kryej marrëdhënie seksuale në këmbim të parave. Që nga viti 2014 e deri në muajin nëntor të vitit 2016 në Pejë, ai e ka detyruar bashkëshorten që të merret me prostitucion. Në vitin 2015, Kika dhe bashkëshortja e tij u bënë me vajzë, megjithatë ai vazhdoi ta detyronte gruan në prostitucion duke e kërcënuar se “nuk do ta shoh vajzën nëse nuk bindet”.
Një nga miqtë e Kreshnikut, i cili pati preferuar të mbetej anonim, në 2017 ka treguar se Kika e dërgonte Vlorën në Prishtinë dhe e detyronte të kryente marrëdhënie me meshkuj të tjerë për 30 euro.
Si po rrezikohen fëmijët pjesëmarrës në këtë emision
Sa më sipër s’do mend se të gjithë fëmijët që marrin pjesë në emisionin e Kikës janë të rrezikur dhe një veprim i tillë nga Radio Televizioni Shqiptar është i paparecedentë.
Kujtojmë se në ligjin Nr. 18/2017 “PËR TË DREJTAT DHE MBROJTJEN E FËMIJËS” Neni 23
“Mbrojtja nga të gjitha format e dhunës” thuhet qartë se:
Fëmija ka të drejtë të mbrohet ndaj të gjitha formave të dhunës, duke përfshirë abuzimin,
neglizhimin, shfrytëzimin, trafikimin, pengmarrjen, pornografinë, abuzimin seksual, si dhe
forma të tjera të dhunës, pavarësisht vendit ku kryhet, sipas parashikimeve të legjislacionit në
14
fuqi. Fëmija mbrohet edhe nga të gjitha format e migracionit të paligjshëm, sipas legjislacionit
në fuqi për kontrollin dhe mbikëqyrjen e kufirit shtetëror
Më tej, vazhdohet:
Prindërit e fëmijës ose kujdestari, në bashkëpunim me institucionet e kujdesit
shëndetësor, të edukimit, strukturat e mbrojtjes së fëmijës dhe ofruesit e shërbimeve të kujdesit
shoqëror marrin të gjitha masat e nevojshme për të bërë të mundur rehabilitimin fizik,
psikologjik e emocional, si dhe integrimin social të fëmijës viktimë e dhunës, neglizhimit,
shfrytëzimit ose abuzimit, sipas legjislacionit në fuqi.
Fakti se një person i akuzuar për ngacmime dhe favore seksuale shfaqet pa të keq me fëmijët në një emision në një televizion PUBLIK është vërtetë shqetësues. Madje në një nga episodet ai shfaqet në pishinë gjysmë i zhveshur me dy fëmijë, që në një vend tjetër do shkaktonte goxha bujë dhe reagime, por në vendin tonë kaloi pa u ndjerë.
https://youtu.be/wWYaDHcdr6A
Po ashtu edhe në KODIN E TRANSMETIMIT PËR MEDIAN AUDIOVIZIVE (Miratuar me Vendimin e AMA-s, nr. 228, datë 11.12.2017) thuhet qartë:
1.16. Transmetimet audiovizive duhet të promovojnë dhe të mbrojnë mirëqenien, shëndetin
e zhvillimin harmonik moral e fizik të fëmijëve. Parimi i interesit më të lartë për
mbrojtjen e fëmijëve duhet të jetë parësor në çdo vendimmarrje për transmetimin,
programimin, pjesëmarrjen apo informacionet për ta, në mediat audio dhe/ose
audiovizive.
Në pikëpyetje të madhe vendoset edhe roli i mekanizmave këshillimore dhe koordinuese institucionale, si: Këshilli Kombëtar për të Drejtat dhe Mbrojtjen e Fëmijës nё nivel qendror, Agjencia Shtetërore për të Drejtat dhe Mbrojtjen e Fëmijës, bashkia, Avokati i Popullit, etj., të cilët nuk kanë reaguar kundrejt kësaj teme mjaft delikate.
Nëpërmjet këtij artikulli ‘iconstyle.al’ i bën thirrje të gjitha mekanizmave të mësipërme dhe AMA-s të ndërhyjë urgjentisht dhe të marrë masa, duke vlerësuar këtë veprim nga RTSH, pasi padyshim asnjë shqiptar nuk paguan taksa për një të akuzuar për abuzime dhe shfrytëzime seksuale.
