E keni pyetur ndonjëherë veten se çfarë uji pini? Sigurisht që shumica e shqiptarëve e blejnë ujin pasi ai i rubinetit që vjen në shtëpitë tona dhe e paguajmë për të pijshëm, thjesht nuk pihet.
“Top Channel” dërgoi 6 kampionë uji të ambalazhuar pranë Institutit të Shëndetit Publik për t’i bërë analizat mikrobiologjike dhe fiziko-kimike nga dhjetëra kompani që ka në treg. Nga 6 prej këtyre kampioneve, 3 rezultuan që ishin të prekur nga bakteret “e.colli” dhe “entorococu”.
“Enterococcu” është pjesë e familjes së entoerobaktereve. Kurse “e.colli” është një bakter grandpozitiv dhe është pjesë e koliforneve fekale. Kemi prezencën e këtyre baktereve në tre monstrat e ardhura. Në mostrën 3,4,5. Që do të thotë këto tre mostra janë të ndotura mikrobioligjikisht . Ku sipas standardit aktual shqiptar, norma është zero për 250 mln ujë të analizuar. Prania e këtyre mikroorganizmave për konsum human sjell sëmundje me origjinë hidrike ose sëmundje me origjinë nga uji”, tha Edjona Bici, specialiste pranë ISHP.
Por historia nuk përfundon me kaq. Çuditërisht asnjëri prej këtyre kampioneve nuk plotëson standardin e fortësisë. Pra përqendrimin e mineraleve.
Përqendrimi i joneve të pehashit është brenda normave ligjit aktual shqiptar. Kurse fortësia ka dalë nën normat e lejuar. Norma e lejuar për fortësinë e cila është sasia e mineraleve të tretshme të magnezit dhe të kalciumit kanë dalë nën normën e lejuar që është 10-20 gradë gjermane.
Me të drejtë qytetarët kërkojnë të dinë se cilat janë kompanitë që tregtojnë ujë të kontaminuar por “Top Channel” ia ka lënë Autoritetit Kombëtar të Ushqimit këtë detyrë dhe të bllokojë këto kompani që dëmtojnë shëndetin e njerëzve.
/TCH
