Deputeti dhe anëtari i Partisë Socialiste Gafurr Mazreku, që plagosi në mes të Parlamentit shqiptar Azem Hajdarin në vitin 1997, është shpallur “Qytetar Nderi” i Hasit (pas vdekjes). Këshilli Bashkiak i Hasit votoi me 13 vota pro dhe 1 abstenim, për titullin “Qytetar Nderi” të Hasit, me motivacionin “Personalitet Intelektual, në kontributin e pashoq në Pushtetin Vendor” për Mazrekun. Votimi u kundërshtua nga këshilltarët e djathtë, të cilët e cilësuan si të jashtëligjshëm.
“Ne kërkuam 5 minuta pushim për konsultime, ndërkohë që këshilltarët e majtë e kanë miratuar propozimin e administratës së bashkisë. I bëj thirrje prefektit që të mos e miratojë këtë vendim” – u shpreh kryetari i këshilltarëve të djathtë Miftar Dauti bën të ditur “Ballkanweb”.
Gafurr Mazreku ka qënë kryetar i Partisë Socialiste në Has dhe deputet në Kuvendin Popullor në zgjedhjet e vitit 1997. Pikërisht në këtë vit, ai qëlloi mbi rivalin e tij politik Azem Hajdari në mes të Parlamentit shqiptar. Ai u arrestua menjëherë dhe u dënua me 12 vite burg, por për shkak të sjelljes së mirë lirohet në vitin 2001.
Në vitin 2002, ai zgjidhet si kryetar i Partisë Socialiste në Has, si dhe në 2003 fitoi postin e kryetarit të komusës Fajzë. Në vitin 2005, ai ndroi jetë si pasojë e një infakti.
Ndërkohë që opozita dhe presidenca e cilësojnë si të papranueshëm dekorimin e Gafurr Mazrekut. Edhe kryeministri Edi Rama e ka quajtur një turp propozimin e këshilltarëve të majtë, duke u shprehur se ky propozim nuk duhej të kishte ardhur asnjëherë.
