Ditën e djeshme Egnatia, kampione e Shqipërisë, u përball me skuadrën nga Bosnja-Hercegovina, Borac Banja Luka, në një ndeshje ku më shumë mbizotëroi politika dhe skandali.
Kampionët e Shqipërisë e panë veten në një situatë absurde që në fillimin e ndeshjes, me thirrjet antishqiptare që vërshuan në stadium.
Thirrjet “Kosova është zemra e Serbisë” këndoheshin në kor nga tifozët ekstremistë pro-serbë të klubit boshnjak, të cilët shpalosën dhe një flamur ku ishte harta e Kosovës me ngjyrat e Serbisë.
@iconstyle.al Skandali në ndeshjen Borac Banja Luka – Egnatia. Ndeshja e luajtur në Bosnje për Uefa Champions League. Tifozët shpalosin flamurin e Kosovës me ngjyrat e Serbisë… Egnatia është mundur në ndeshjen e saj të parë në Ligën e Kampioneve, teksa ka regjistruar humbje në transfertën ndaj Borac Banja Luka në Bosnjë. Por ka qenë një humbje shumë e çuditshme e përjetuar mes tensionit të thirrjeve antishqiptare dhe dy kartonëve të kuq që u dhanë për lojtarët rrogozhinas. Që në fillim tifozeria vendase shpalosi parulla me shkrimin “Kosova është zemra e Serbisë”: dhe nuk kurseu thirrjet nacionaliste. #iconstylealbania #fyp #fypシ #foryou #foryoupage #albanian #albania🇦🇱 ♬ original sound – ICONSTYLE
Megjithatë, Egnatia e mbajti portën të paprekur në 45 minutat e para dhe bëri një paraqitje të mirë. Në minutën e 58-të mesfushori Zejnullai u ndëshkua me karton të kuq, dhe kjo duket se u dha më shumë “zemër” tifozëve huliganë.
Thirrjet antishqiptare u bënë më të shpeshta, e kjo detyroi arbitrin polak Stefanski të ndërpriste ndeshjen për afro dhjetë minuta dhe ndeshja rinisi vetëm me premtimin e se nuk ketë më të tilla episode.
