Nuk duhet të bëni kujdes vetëm me mishin që zgjidhni, por edhe me peshkun apo frutat e detit.
Autoriteti Kombëtar i Ushqimit (AKU) gjatë një inspektimi në një prej magazinave frigoriferike bllokoi 2.5 ton peshk dhe karkaleca të ngrirë të degraduar nga kushtet e ruajtjes (ngrirje – shkrirje e produktit si dhe kushtet higjiene-sanitare jo konforme); gjithashtu subjekti nuk dispononte dokumentacionin e duhur për gjurmueshmërinë e produktit.
AKU vendosi gjobë për subjektin “ALB ORCA”, në Tiranë, si dhe bllokim të produktit deri në asgjësim.
“Inkurajojmë operatorët e biznesit ushqimor që të përmbushin kërkesat, ndër të cilat është edhe verifikimi i produkteve që prodhojnë, përpunojnë, shpërndajnë apo nxjerrin në treg nëse janë apo jo në përputhje me kërkesat e sigurisë ushqimore”, shkruan AKU.
